2021年2月21日
Music Playgroup
坊間有唔少 playgroup 係訓練小朋友唔同嘅能力，有訓練肌肉、自理能力、美術、音樂、語言等等.. 今次我地就講下針對音樂訓練嘅 playgroup 啦
我個人就比較鍾意mixed-age 同自由d嘅playgroup.. 即係同一個 playgroup入面嘅小朋友可能係range from 2至5歲，有D家長會覺得年齡差距咁大，能力當然會相差好遠啦，咁如果我小朋友係2歲，上堂時咪好蝕抵？但事實上大部份小朋友都係透過觀察同模仿嚟學習，而大D嘅小朋友亦可以係班入面扮演住大哥哥大姐姐嘅角色，可以係一個領袖 lead 住D細D嘅小朋友去完成一D tasks。例如，如果大家一齊去夾一首歌，2歲嘅可能係負責大D嘅鼓，做一D簡單D嘅節奏，例如 1, 2, 3, 4；而3歲嘅就負責tambourine，可以做D複雜少少嘅節奏，例如 停, 2, 停, 4；而5歲嘅就負責shaker，可以做 1 n 2 n 3 n 4 n；到佢地熟習咗之後，可以再係樂器同節奏上做D變化，更加可以自己去 improvise.. 我地甚至可以邀請小朋友做指揮嘅角色，去決定幾時邊組樂器要演奏，邊組要停一陣.. 其實呢個就已經可以係好簡單嘅 drum cycle... 細個D嘅小朋友就學習聽 instruction，睇指揮；大D嘅小朋友就可以學做 leader，又可以透過聲音去進行創作..
而所謂自由D嘅 playgroup，就係由小朋友主導，例如，去到玩樂器嘅環節，由小朋友自己選擇樂器，而非由老師去決定今堂玩咩樂器.. 一方面小朋友可以同時間聽到唔同樂器嘅聲音，另一方面老師亦可以慢慢留意到小朋友嘅特性.. 家長可能會覺得由小朋友自己揀樂器，亂咁玩，咪又學唔到野囉？其實偏偏相反，因為佢對自己揀嘅樂器會有一定興趣，所以當佢一路玩，老師再教佢點樣做得好D嘅時候，通常佢都會學得快D.. （咁當然唔好 expect係 playgroup 學到D咩非常好嘅樂器技巧，始終playgroup 係做 exploration 多過 techncial skills）
另外，有關playgroup嘅模式，其實好多時個上堂程序係好單一嘅，可能每次都係 hello song開始、玩樂器、唱歌做動作、goodbye song 結束.. 而同一首歌可以唱好多堂.. 我有聽過家長反映覺得好 "呃錢"，因為堂堂做嘅野都係一樣，好似學唔到野咁.. 但事實上，如果每次都唔同歌，唔同模式，其實小朋友係吸收唔到，太多變化佢地亦適應唔到.. 正如之前講過嘅瞓覺音樂一樣，次次都一樣，咁佢就知道個一刻佢要做咩；小朋友會將同一本書重覆咁睇好多次，其實每次睇對佢都係一個新嘅體會，當佢熟識咗個大概內容，佢就會開始留意細節，先可以再係上面做自己嘅創作.. 學音樂如是..
既然 playgroup 係 play，家長唔需要太緊張，就放手俾小朋友用佢地嘅方式去 play，往往佢地做到嘅野會超乎你想像！
